- Հայ
- Рус
- Eng
Կուլտուրայի ֆակուլտետի Երաժշտության բաժնի ուսանողների մասնակցությամբ կազմակերպվել էր դոցենտ Մարինա Ստեփանյանին նվիրված «40 տարի համալսարանում» խորագրով միջոցառումը:
Բազմամյա մանկավարժը Երաժշտության ամբիոնում նա ուսուցանել է «Դաշնամուր» առարկան, կրթել երիտասարդների մի քանի սերունդ. շրջանավարտներից մի քանիսը դասավանդում է հարազատ բուհում:
Միջոցառման ընթացքում հնչեցին Վ. Ա. Մոցարտի, Կոմիտասի, Ալ. Սպենդիարյանի, Ա. Խաչատրյանի, Ալ. Հարությունյանի, Ա. Բաբաջանյանի, Ռ. Անդրիասյանի, Էնրիկե Սանտեուհինիի ստեղծագործությունները:
Դաշնամուրային դասարանի համերգի ընթացքում մանկավարժին ողջունեցին նրա ներկայիս և նախկին տարիների սաները, ինչպես նաև ամբիոնի ազգային գործիքների նվագախումբը: Ուսանողները հանդես եկան բարձր կատարողականությամբ. ելույթները տպավորիչ էին, քանի որ «Դաշնամուր» առարկան նրանց համար ընդհանուր է և ոչ թե մասնագիտական:
Ի դեպ, Երաժշտության ամբիոնի պատմության մեջ առաջին անգամ նվագախումբը ղեկավարեցին դոցենտ Գայանե Հեբոյանի դիրիժորական դասարանի 4-րդ կուրսի ուսանողները:
«Մանկավարժ լինելը ուրիշի երեխային սիրելու մասնագիտությունն է. այդպիսին է Մարինա Ստեփանյանը». այս խոսքերով բնորոշեցին նրան գործընկերներն ու հավելեցին, որ երբեմն չափից դուրս մեղմ լինելն էլ ապացուցում է՝ ուսանողների հանդեպ ունի մայրական պարզ, ազնիվ ու ջերմ վերաբերմունք:
