ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Մանկավարժական համալսարանի մի խումբ ուսանողներ «Ամառային դպրոց» միջազգային ծրագրի շրջանակներում օգոստոսի 21-ից սեպտեմբերի 2-ը եղան Հունգարիայի Պիտեր Պազմանի կաթոլիկ համալսարանում:

Ծրագրի առաջինիսկ օրը ուսանողներին դիմավորեցին, տեղավորեցին հարմարավետ սենյակներում, տրամադրեցին տրանսպորտի անվճար երթևեկության համար նախատեսված կտրոններ՝ քաղաքում ազատ տեղաշարժվելու, ցանկացած ժամի և ուղղության համար:

Օգոստոսի 22-ին մասնակիցներին ներկայացվեց «Ամառային դպրոց» ծրագրի բովանդակությունն ու հետագա օրերի անելիքները. ընդհանուր դասաժամեր կազմակերպվեցին  մինչև ժամը 16.30-ը, որից հետո ազատ ժամ՝ ողջ օրվա ընթացքում:

Այդ օրերին 10 անգամ Փիլիսչաբայում Պազմանի Պիտեր Կաթոլիկական համալսարանում կազմակերպվեցին հունգարերեն լեզվի դասընթացներ, 22 դասընթաց՝ Հունագրիայի արվեստի, պատմության և սոցոլոգիայի, 5 դաս Ֆակուլտետի մասին, իսկ վերջում նաև  պատկերային ներկայացումներ և  ամփոփիչ գիտաժողով:

Այցելություններ կազմակերպվեցին նաև  Էստարգոն քաղաք, Մայր տաճար,  Հունգարիայի ազգային և Տերորի տուն» թանգարաններ, «Հունգարիայի ազգային պատկերասրահ:

Ազատ ժամանակ Մանկավարժականի ուսանողները  մասնակցեցին հունգարացի ուսանողների կազմակերպած միջոցառումներին, հանդիպեցին օտարերկյա ուսանողներին, փոխանակվեցին տպավորություններով.«Ամենակարևորն այն էր, որ մենք ինքներս քարտեզի միջոցով  բացահայտեցինք քաղաքը, ինքնուրույն գտանք ամենահայտնի  վարերը: Ծրագիրն իսկապես  աննախադեպ էր և բովանդակալից»,-old.aspu.am-ի հետ զրույցում նշեցին Հունգարիա այցելած «Ամառային դպրոց» միջազգային ծրագրի մասնակիցները: