ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Նոյեմբերի 14-ին տեղի ունեցավ TEMPUS ESPAQ /Հայաստանի բարձրագույն ուսումնական հաստատություններում ուսանողների մասնակցության բարձրացումը Որակի ապահովման (ՈԱ) գործընթացներում/ ծրագրի ամփոփիչ համաժողովը, որին ներկա էին նաև ծրագրում ներգրավված ՀՊՄՀ-ի աշխատակիցներն ու  ուսանողները:

Մանկավարժականը ծրագրի գործընկեր համալսարանն  է և 2013 թվականից ակտիվորեն ներգրավված է դրա բոլոր գործընթացներին: 

Համաժողովի առաջին հատվածում ՀՀ կրթության և գիտության նախարարության և  ծրագրի կոնսորցիումի անդամների միջև կնքվեց փոխհամաձայնության հուշագիր, որի համաձայն՝ կստեղծվի ՀՈՒԱԱ-ին կից գործող Ազգային ուսանող-փորձագետների անկախ մարմին:

Տեղի ունեցավ նաև ծրագրի շրջանակներում նախապես հայտարարված պաստառների մրցույթի ամփոփումը. մասնակից ուսանողները ներկայացրել էին իրենց պատկերացումները որակի ապահովման գործընթացներում ուսանողների մասնակցության բարձրացման  վերաբերյալ: ՀՊՄՀ-ի Գեղարվեստական կրթության ֆակուլտետի Ուսանողական խորհրդի կրթության որակի հանձնաժողովի ուսանողներ Էստելլա Սահակյանը, Անահիտ Ադամյանը, Լիլիթ Սեթյանն ու Մարիամ Աղաջանյանը  ևս   հեղինակել էին պաստառ, որի համար  ստացան խրախուսական մրցանակ:

Համաժողովի երկրորդ մասում հայտարարվեց ուսանող փորձագետների անկախ մարմնի առաջին մասնակիցների անուները, որոնց   թվում էին նաև ESPAQ ծրագրին մասնակցած, ինչպես նաև ՀՄՊ-ի  որակի ապահովման գործընթացներում ակտիվորեն ներգրավված Մանկավարժականի  ուսանողներ Միշա Թադևոսյանը, Մարիամ Եվդոկիմովան և Լամարա Աֆրիկյանը:   

TEMPUS ESPAQ /Հայաստանի բարձրագույն ուսումնական հաստատություններում ուսանողների մասնակցության բարձրացումը Որակի ապահովման (ՈԱ) գործընթացներում/  ծրագրի ամփոփիչ համաժողովում համառոտ ներկայացվեց նաև ծրագրի ընթացքը, ձեռքբերումներն ու արդյունքները, ինչպես նաև դրանց պահպանման ուղղությամբ նախատեսվող աշխատանքները: