- Հայ
- Рус
- Eng
Ուսանողական խորհուրդը, համագործակցելով Հայաստանի պետական սիմֆոնիկ նվագախմբի հետ, ամիսներ շարունակ Մանկավարժական համալսարանի ուսանողության ակտիվ մասնակցությունն է ապահովում «Իմ սիմֆոնիկը» երիտասարդական կրթամշակութային ծրագրին, որի շրջանակներում կազմակերպվում են դասական համերգներ։
Ամփոփիչ միջոցառմանը մասնակցում էին ՀՊՄՀ Ուսանղական խորհրդի անդամներ, ուսանողներ, այդ թվում՝ հանրապետության այլ բուհերից:
«Ծրագրի նպատակը երիտասարդության շրջանում դասական երաժշտության հանդեպ հետաքրքրության և երաժշտության ոլորտում իմացության բարձրացումն է, ինչպես նաև երիտասարդների միջոցով ժանրի տարածումը»,-նշեց նվագախմբի փոխտնօրեն, «Իմ սիմֆոնիկը» ծրագրի ղեկավար Աշխեն Բեգլարյանն ու ներկայացրեց ծրագիրը, ուսանողների մասնակցությունն ու կատարած հարցումները:
Հանդիպման ընթացքում նվագախմբի դիրիժոր Սերգեյ Սմբատյանն ուսանողներին պատմեց դասական երաժշտության մասին, ընդգծեց այդ ժանրի երաժշտություն լսելու և հեղինակներին ճանաչելու կարևորությունը:
Ձեռնարկի շրջանակներում կայացավ ինտերակտիվ քննարկում, հարց ու պատասխան, որի ընթացքում ուսանողներն ուղղեցին իրենց հուզող հարցերը։
««Իմ սիմֆոնիկը» ծրագրին մասնակցել է շուրջ 330 երաժշտասեր աբովյանական: Հայաստանի պետական սիմֆոնիկ նվագախմբի հետ համագործակցությունն այսքանով չի սահմանափակվելու»,- վստահեցրեց Ուսանողական խորհրդի նախագահ Պարույր Գալստյանը:
