- Հայ
- Рус
- Eng
Ամանորի և Սուրբ ծննդյան տոներին ընդառաջ Օտար լեզուների ֆակուլտետի Ռոմանագերմանական լեզուների ամբիոնը կազմակերպել էր այց Գավառի մանկատուն:
Ֆակուլտետի դեկան Տիգրան Միքայելյանի, ամբիոնի վարիչ Ելենա Մխիթարյանի նախաձեռնությանը միացան նաև ֆակուլտետի պրոֆեսորադասախոսական կազզմն ու ուսանող:
Հագուստ, գրենական պիտույքներ, զարգացնող խաղեր, քաղցրավենիք, լավ տրամադրություն և երեխաներին ուրախացնելու մեծ ցանկություն. աբովյանականներն այսպես էին պատրաստվել մանկատան երեխաների հետ հանդիպմանը:
Օրվա բարձր տրամադրությունը, ջերմ ու հաճելի մթնոլորտը հավաստեցին, որ երեխաները սպասում էին ուսանողներին և դասախոսներին: Ուսանողները ներկայացրին երաժշտական մի քանի համարներ, զրուցեցին երեխաների հետ՝ պատմելով համալսարանի և իրենց առաքելության ու մասնագիտության մասին:
Ապագա մանկավարժների խոսքով՝ հանդիպումը երկուստեք ուրախալի էր ու անմոռանալի: Նրանց կարծիքով՝ սա յուրատեսակ փորձառություն ու նախաձեռնություն է ապագա ուսուցիչների համար նաև հաղորդակցական հմտությունների զարգացման տեսանկյունից:
