ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Մանկավարժական համալսարանի Օտար լեզուների ֆակուլտետի Ռուսաց լեզվի ամբիոնի դասախոսները նախորդ շաբաթ արտալսարանային մի շարք միջոցառումներ էին կազմակերպել՝ ֆակուլտետի բակալավրիատի և մագիստրատուրայի ուսանողների մասնակցությամբ: 

Դասախոս Զարուհի Մելկիկյանը Գեղարվեստական կրթության ֆակուլտետի երկրորդ կուրսի ուսանողների հետ միասին այցելոել էին Ազգային պատկերասրահ, իսկ Օտար լեզուների ֆակուլտետի մագիստրատուրայի 1-ին կուրսի ուսանողները՝ նույն ամբիոնի դասախոսներ Գայանե Ճանճապանյանի և Սվետլանա Միքայելյանի գլխավորությամբ եղան Սերգեյ Փարաջանովի թանգարանում:

Ուսանողները ծանոթացան հայ մեծագույն նկարիչների գեղարվեստական ժառանգությանը, ռուսերեն լեզվով զրուցեցին էքսկուրսավարների հետ:
«Արտալսարանային աշխատանքի շրջանակներում կազմակերպած միջոցառումների նպատակը ուսանողների հաղորդակցական, ինչպես նաև ռուսերենով սեփական տեսակետը հայտնելու և այն պաշտպանելու հմտությունների զարգացումն էր: Նմանօրինակ միջոցառումների անցկացումը նպաստում է ինչպես ձեռք բերած գիտելիքների ամրապնդմանը, այնպես էլ նոր գիտելիքների ձևավորմանը»-old.aspu.am-ի հետ զրույցում նշեցինդասախոսները: