- Հայ
- Рус
- Eng
Կրթության հոգեբանության և սոցիոլոգիայի ֆակուլտետի Տարիքային և մանկավարժական հոգեբանության ամբիոնի վարիչ հոգեբանական գիտությունների դոկտոր, պրոֆեսոր Վլադիմիր Կարապետյանն ու ամբիոնի մասնագետ Լիլիթ Մայիլյանը հյուրընկալվել էին Վանաձորի Վահան Տերյանի անվան №5 և Մովսես Խորենացու անվան №17 ավագ դպրոցներում:
Դպրոցների շուրջ 80 աշակերտների համար մասնագիտական կողմնորոշման նպատակով անցկացված ձեռնարկի ընթացքում ՀՊՄՀ-ի ներկայացուցիչները ներկայացրին Մանկավարժական համալսարանը, ուսուցչի մասնագիտության առաքելությունն ու առավել մանրամասն անդրադարձան Կրթության հոգեբանության և սոցիոլոգիայի ֆակուլտետի մասնագիտություններին, դրանց առանձնահատկություններին:
Կրթության հոգեբանության և սոցիոլոգիայի ֆակուլտետի ներկայացուցիչներն ապագա ուսանողներին ներկայացրին այն բոլոր հնարավորությունները, որոնցով հատկապես այդ ֆակուլտետի դիմորդները կկարողանան բացահայտել իրենց կարողությունները և դրանք առավելագույնս համապատասխանեցնեն աշխատաշուկայի պահանջներին:
Դպրոցականները հյուրերին ուղղեցին հիմնականում ֆակուլտետի մասնագիտությունների առանձնահատկությունները պարզաբանելու վերաբերյալ հարցեր:
Ձեռնարկի նախաձեռնողները խոստանում են, որ նման հանդիպումները կլինեն շարունակական՝ դիմորդների շրջանում մասնագիտության ընտրության հարցում կայուն դիրքորոշում ձևավորելու համար:
