- Հայ
- Рус
- Eng
Հատուկ կրթության ֆակուլտետի լոգոպեդիայի և վերականգնողական թերապիայի ամբիոնի դասախոս Արմեն Չիլինգարյանը կազմակերպել էր բաց դաս «Շիզոֆրենիան և նրա կլինիկական դրսևորումները և հոգեսոցիալական ասպեկտները» վերնագրով:
Դասի ընթացքում լոգոպեդիայի, էրգոթերապիայի և հատուկ հոգեբանության ուսանողները ներկայացրին հետաքրքիր տեղեկություններ շիզոֆրենիա հիվանդության վերաբերյալ՝ կլինիկական դրսևորումները, հոգեսոցիալական աջակցությանը վերաբերվող թեմաներ, մանկական շիզոֆրենիայի կլինիկայի առանձնահատկությունները:
Էրգոթերապիայի երրորդ կուրսի ուսանողները ներկայացրին էրգոթերապիան հոգեբուժության մեջ թեմայով բեմականացում, մասնավորապես՝ շիզոֆրենիայով հիվանդի հետ էրգոթերապիստի աշխատանքի առանձնահատկությունները:
Հարց ու պատասխանի միջոցով ուսանողները կարողացան հստակ ներկայացնել իրենց դերը հատուկ կրթության ոլորտում, ինչպես նաև հոգեբուժության և այլ դիսցիպլինների համատեղ կիրառման անհրաժեշտությունը:
