- Հայ
- Рус
- Eng
Էրազմուս+ ծրագրի ակադեմիական շարժունության շրջանակներում Մանկավարժական համալսարանում է Ռումինիայի Բրաշով քաղաքի Տրանսիլվանիայի համալսարանի հատուկ կրթության մասնագետ Լաուրա Դավիդը:
Հատուկ կրթության ֆակուլտետի դասախոսների և ուսանողների համար մեկշաբաթյա դասախոսություններում օտարազգի մասնագետը հանդես է գալիս ոլորտին առնչվող դասախոսություններով՝ անդրադառնալով վաղ մանկական աուտիզմին, հուզական ոլորտի, հենաշարժողական համակարգի խանգարումներին և այլն:
Լաուրա Դավիդի դասախոսությունների հիմքում կոնկրետ օրինակներն են, որոնց միջոցով առավել ճշգրիտ են քննարկվում խնդիրները, դրանց վերաբերյալ մոտեցումներն ու կանխարգելման ուղիները:
old.aspu.am-ի հետ զրույցում Հատուկ մանկավարժության և հոգեբանության ամբիոնի վարիչ Թերեզա Ազատյանը նշեց, որ դասախոսությունների ընթացքում Լաուրա Դավիդը խնդիրը դիտարկում և ուսումնասիրում է նաև հայաստանյան փորձը:
«Երկու երկրներում էլ հատուկ կրթության ոլորտի խնդիրները գրեթե նույնն են, հատկապես՝ բարձրագույն կրթական հաստատություններում խնդրահարույց է հենաշարժողական խնդիրներով ուսանողների տեղաշարժը»,-նշեց Թերեզա Ազտյանն ու հավելեց, որ յուրաքանչյուր դասախոսությանը հաջորդում է դասախոսների և ապագա ուսանողների հետ մասնագիտական բուռն քննարկում:
