ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

«Համալսարանում դասավանդման և կրթության նոր որակական պահանջների ներդրումը ենթադրում է դասավանդման որակի ուսումնասիրություն և գնահատման տարբեր մեխանիզմների կիրառում: Դրանց շարքում առանձնահատուկ տեղ է զբաղեցնում վերջերս բուհում իրականացվող դասալսումների կազմակերպումը»,- Գիտական խորհրդի այսօրվա նիստում նշեց  Ուսումնական գործընթացների հարցերով պրոռեկտոր Մհեր Մելիք-Բախշյանը:

 Վերջինս   ընդգծեց, որ դասալսումներն անցկացվում են ամբիոնի հաստատած նախնական գրաֆիկով կամ դրանից դուրս՝ դրական համարելով  դասալսումներին  ամբիոնի վարիչի, դասախոսի, որոշ դեպքերում նաև ֆակուլտետի դեկանի և մեկ մագիստրոսի մասնակցությունը.«Դասալսումներին զուգահեռ իրականացվում են նաև ուսումնական նյութերի վերանայումներ, իսկ դասալսման արդյունքները մանրամասն քննարկվում են ամբիոններում՝ առաջ բերելով խնդրահարույց հարցերի լուծման անհրաժեշտություն»:  

 Մհեր Մելիք-Բախշյանը զեկույցի ընթացքում անդրադարձավ նաև բացթողումներին. երբեմն բացակայում է ուսանողի և դասախոսի միջև հետադարձ կապը, ցուցադրական նյութը չի համապատասխանում դասախոսության թեմային, ամբիոններում ոչ բոլորն են տիրապետում տեղեկատվական տեխնոլոգիաներին և այլն:

 Առաջարկվեց ամբիոնների նիստերում դասալսումների արդյունքները հաշվի առնել հետագայում դասախոսի հետ պայմանագիրը երկարացնելու կամ մրցույթին մասնակցելու ժամանակ, Էլեկտրոնային դասախոսությունները հետագայում օգտագործել մեթոդական ուղեցույցեր և դասագրքեր տպագրելու նպատակով, տեսագրել օրինակելի դասախոսությունները ՝ հասանելի դարձնելով մյուս ամբիոնների համար։ 

 Գիտական խորհուրդը լսելով պրոռեկտորի զեկույցը դասալսումների քննարկումների մասին՝  հաստատեց «Ամբիոնի պրոֆեսորադասախոսական կազմի դասալսումների մատյան»-ի նախագիծը:

  «Դասալսումները չպետք է լինեն ինքնանպատակ և կրեն ձևական բնույթ, իսկ քննարկումները պետք է լինեն գործնական»,-հարցի վերաբերյալ նշեց ՀՊՄՀ ռեկտոր Ռուբեն Միրզախանյանը՝ նկատելով, որ նոր փոփոխությունները կնպաստեն ուսումնական գործընթացի որակի բարձրացմանը:

   Համալսարանում ուսուցման նոր ձևերի մասին

 Համալսարանում կիրառվող ուսուցման նոր ձևերի մասին զեկուցեց  Կրթության բարեփոխումների և որակի վարչության պետ Մկրտիչ Ավագյանը, ով վստահեցրեց՝ ՀՊՄՀ-ում Էլեկտրոնային /առցանց ուսուցումը (е-Learning)  դասավանդման նոր ինտերակտիվ մեթոդների ներդրումը,  ուսումնառության և դասավանդման հեռանկարային ձև է.«Էլեկտրոնային կամ ինտերակտիվ ուսուցումը՝ ուսումնական գործընթացի սուբյեկտներին  տրամադրում է մուտք դեպի կրթական ռեսուրսներ և ծառայություններ, ապահովում գիտելիքի տեղեկատվության փոխանակման և արդյունավետ համատեղ աշխատանքի հնարավորություն, գործընթացների օպերատիվություն, չափավոր թափանցիկություն, երկկողմ պատասխանատվության բարձրացում, խթանում է դասախոսների և ուսանողների հաշվետվողականութանը»,-նշեց նա՝ պատահական չհամարելով այն, որ աշխարհի առաջավոր համալսարաններ իրենց ուսումնական գործընթացում կիրառում են էլեկտրոնային կրթության հնարավորությունները :  

         Մկրտիչ  Ավագյանն իր ելույթում  ներկայացրեց 2015-16 ուստարվա  սեպտեմբեր-հոկտեմբեր ամիսների աշխատանքի արդյունքները՝ սիֆայլ ծրագրային բազայի հիման վրա էլեկտրոնային առցանց  ուսուցման հարթակի, էլեկտրոնային մուտքագրման ենթակա  դասավանդվող  առարկայական ուսումնամեթոդական փաթեթների ստեղծում ու մուտքագրում, ուսանողների և դասախոսների տեղեկատվական բազաների ստեղծում, ծրագրային, տեխնիկակական, կազմակերպչական, մեթոդական, ուսումնական հաղորդակցման  առցանց  հարթակի ապահովում: 

Զեկուցողը ներկայացրեց նաև  պրոֆեսորադասախոսական անձնակազմի աշխատանքի  բարելավման ու հարթակի տեխնիկական բերափոխումներին միտված առաջարկներ:

 Ընթացիկ հարցեր

 
Համալսարանի ռեկտոր Ռուբեն Միրզախանյանը շնորհավորեց ամսվա հոբելյարներին, փակ գաղտնի քվեարկությամբ ընտրվեցին համալսարանի գիտական` 9 դոցենտի և 1 պրոֆեսորի կոչումների ներկայացված բոլոր 10 թեկնածուները: 

 Ուսումնագիտական գծով պրոռեկտոր Սրբուհի Գևորգյանը Գիտական խորհրդի անդամների հաստատմանը ներկայացրեց թեկնածուական 3 ատենախոսություններն ու տպագրության հավակնող ձեռնարկները, իսկ մի քանի ֆակուլտետների դեկաններ՝  անվանական կրթաթոշակառունների անունները: