- Հայ
- Рус
- Eng
Այսօր ՀՊՄՀ-ի և Ստավրոպոլի պետական մանկավարժական ինստիտուտի միջև կնքվեց համագործակցության հուշագիր: Հուշագրի համաձայն՝ երկու բուհերը կիրականացնեն գիտնականների, դասախոսական կազմի և ուսանողների փոխանակում, կհամագործակցեն փոխադարձ հետաքրքրություն ներկայացնող՝ հատուկ և ներառական կրթության, ռուսաց լեզվի ոլորտներում:
Համագործակցության շրջանակներում՝ համալսարանները կիրագործեն նաև համատեղ ուսումնական ծրագրեր և գիտահետազոտական աշխատանքներ։
Ուսումնական գործընթացի բարելավման նպատակով՝ նախատեսվում է կազմակերպել դասախոսություններ, գիտաժողովներ, սիմպոզիումներ, վերապատրաստումներ, սեմինարներ՝ բուհերի առաջատար մասնագետների մասնակցությամբ։
Հիշեցնենք, որ օրերս Մանկավարժական համալսարանում անցկացվեց «Երկլեզու համալսարանական հարթակի կազմակերպման փորձ» խորագրով աշխատաժողով:
ՀՊՄՀ-ի և Ստավրոպոլի պետական մանկավարժական ինստիտուտի համատեղ ձեռնարկին մասնակցում էին դասախոսներ, ուսանողներ, լեզվի պահպանման խնդիրներով մտահոգ մասնագետներ տարբեր հաստատություններից։
Ֆորումը նվիրված էր ռուսաց և մայրենի լեզուների առաջընթացին, դրանց բովանդակության մեջ նոր մեթոդների ներդրմանը:
