- Հայ
- Рус
- Eng
Մանկավարժական համալսարանում էր Մոսկվայի պետական հոգեբանամանկավարժական համալսարանի Կլինիկական և խորհրդատվական հոգեբանության ֆակուլտետի անհատական և խմբային հոգեթերապիայի ամբիոնի դոցենտ, հոգեբանական գիտությունների թեկնածու Վարվարա Սիդորովան։
Վերջինս Միջազգային համագործակցության բաժնում հանդիպեց Հատուկ և ներառական կրթության ֆակուլտետի դեկան Գոհար Հովյանի և պրոֆեսորադասախոսական կազմի հետ։
Հատուկ մանկավարժության բարձրագույն կրթության ոլորտի հայ և ռուս մասնագետները քննարկեցին երկու բուհերի միջև համագործակցության հնարավորությունները, մասնավորապես՝ արտթերապիայի ոլորտի զարգացմանն ուղղված դասախոսություններ, վերապատրաստումներ և փորձի փոխանակման այլ միջոցներ՝ մագիստրոսների և դասախոսների մասնակցությամբ։
Հանդիպմանը Վարվարա Սիդորովան ծանոթացավ Հատուկ և ներառական կրթության ֆակուլտետի գործունեությանը և հաճելիորեն զարմացավ, որ «Արտթերապիա»-ն բուհում ներառված է որպես առանձին մագիստրոսական ծրագիր։
Հանդիպման ավարտին պայմանավորվածություն ձեռք բերվեց առաջիկայում ևս հանդիպել՝ քննարկելու համագործակցության վերաբերյալ գործնական քայլեր։
