Խաչատուր Աբովյանի անվան ՀՊՄՀ-ում մեկնարկում է ուսուցիչների առարկայական պարտադիր վերապատրաստման հայտագրման գործընթացը հետևյալ առարկաներից՝
- անգլերեն,
- ռուսերեն,
- ֆրանսերեն,
- գերմաներեն,
- աշխարհագրություն,
- կենսաբանություն,
- քիմիա,
- ֆիզիկա,
- հայոց պատմություն,
- համաշխարհային պատմություն,
- հայոց լեզու և գրականություն,
- մաթեմատիկա,
- ինֆորմատիկա և ԹԳՀԳ,
- շախմատ,
- կերպարվեստ,
- երաժշտություն,
- տեխնոլոգիա,
- տարրական դասարաններ:
Տեղեկացնում ենք, որ առարկայական պարտադիր վերապատրաստման գործընթացը նախատեսված է միայն առարկայական գիտելիքի իմացության կարիք ունեցող (ուսուցչի մասնագիտական զարգացման կարիքի գնահատման ժամանակ առարկայական գիտելիքի իմացությունը՝ Բաժին 1-ը, 0 գնահատված) և/կամ նախորդ տարիներին կամավոր ատեստավորումը չհաղթահարած ուսուցիչների համար:
Առարկայական վերապատրաստմանը մասնակցելու համար անհրաժեշտ է սեպտեմբերի 1-15-ը ներառյալ դիմում ներկայացնել ՀՊՄՀ Ուսուցիչների վերապատրաստման բաժին (Տիգրան Մեծի 17, 2-րդ հարկ, 206 սենյակ)՝ ներկայացնելով ներքոնշյալ փաստաթղթերը.
- անձը հաստատող փաստաթղթի պատճեն,
- բարձրագույն կրթություն չունեցող անձինք ներկայացնում են կրթությունը հավաստող փաստաթուղթ, հանրակրթական ուսումնական հաստատությունում ուսուցչի պաշտոն զբաղեցնելու փաստը հավաստող տեղեկանք կամ աշխատանքային գրքույկ (առկայության դեպքում) և աշխատանքային պայմանագիրը լուծելու մասին իրավական ակտի պատճենները՝ համաձայն «Հանրակրթության մասին» օրենքի 38-րդ հոդվածի 5-րդ մասի պահանջի։
- ուսուցչի մասնագիտական զարգացման կարիքի գնահատման ժամանակ առարկայական գիտելիքի իմացության կարիքի արձանագրման և/կամ ուսուցչի կամավոր ատեստավորման առարկայական գիտելիքի ստուգման անբավարար արդյունքի մասին տեղեկանք` տրված տնօրենի կողմից:
Ուսուցիչների առարկայական պարտադիր վերապատրաստման գործընթացը կիրականացվի առերես ձևաչափով` 2025 թվականի սեպտեմբերի 22-ից մինչև հոկտեմբերի 30-ը։
Այլ մանրամասների համար դիմել Խ․ Աբովյանի անվան ՀՊՄՀ, ք․ Երևան, Տիգրան Մեծ 17, երկրորդ հարկ, 206 սենյակ կամ զանգահարել (010) 59 70 79 և (010) 59 70 29 հեռախոսահամարներին:
