- Հայ
- Рус
- Eng
Մայիսի 16-17-ը ՀՊՄՀ Պատմության և հասարակագիտության ֆակուլտետի դեկան Էդգար Հովհաննիսյանը, Համաշխարհային պատմության և նրա դասավանդման մեթոդիկայի ամբիոնի վարիչ Խաչատուր Ստեփանյանը և նույն ամբիոնի դոցենտ Հայկ Գրիգորյանը Ուրալի դաշնային համալսարանում մասնակցեցին «Ռուսաստանը և Հայաստանը պատմական հիշողության մեջ» խորագրով միջազգային սեմինարին։
Գիտական միջոցառմանը հայ և ռուս բանախոսները ներկայացրին հայոց պատմության առանձին հիմնախնդիրների, հայ-ռուսական հարաբերությունների վերաբերյալ զեկուցումներ։
Այցի ընթացքում Մանկավարժական համալսարանի պատվիրակներն աշխատանքային հանդիպում ունեցան Ուրալի համալսարանի Հումանիտար ինստիտուտի ղեկավար Էլվիրա Սիմանյուկի, նույն ինստիտուտի գիտության գծով տեղակալ Յուլիա Զապարիյի և Պատմության ֆակուլտետի դեկան Ալեքսանդր Պալկինի հետ:
Կողմերը քննարկեցին բուհերի հետագա համագործակցության, մասնավորապես՝ Հայագիտության կենտրոնի աշխատանքների ակտիվացման, ընթացիկ տարում համատեղ գիտական, ուսանողական միջոցառումներ կազմակերպելու վերաբերյալ հարցեր։
Հիշեցնենք, որ Մանկավարժական և Ուրալի դաշնային համալսարանների միջև կնքվել է համաձայնագիր, ըստ որի, նախատեսվում է ծավալվել գիտակրթական, նախագծային և գործարար լուրջ համագործակցություն:
