- Հայ
- Рус
- Eng
Մանկավարժական համալսարանի պրոֆեսորադասախոսական կազմի հյուրն էր Կազանի դաշնային համալսարանի հոգեբանության և մանկավարժության ինստիտուտի պրոֆեսոր Ալֆիա Մասալիմովա Ռաֆիսովնային:
Հյուրը դասախոսների հետ կիսվեց Web of Science-ում և Scopus-ում հոդվածներ տպագրելու վերաբերյալ փորձով և այլ մանրամասներով:
Ներկայացնելով Կազանի դաշնային համալսարանի՝ միջազգային գիտաչափական շտեմարաններում հոդվածներ տպագրելու փորձը, Ալֆիա Մասալիմովան վստահեցրեց, որ ներկայումս փորձում են հնարավորինս բարձրացնել տպագրման ներկայացվելիք հոդվածների որակը:
Հյուրը ներկայացրեց նաև գիտության տարբեր ուղղություններով ինչպես իր, այնպես էլ մի շարք եվրոպական բուհերի հաջողությունները:
Ներկաներն Ալֆիա Մասալիմովային ուղղեցին իրենց հետաքրքրող հարցերը: ՀՊՄՀ-ի Ուսումնագիտական գծով պրոռեկտոր Սրբուհի Գևորգյանը շնորհակալություն հայտնեց հյուրընկալության և գիտական հոդվածներ տպագրելու վերաբերյալ բուհի դասախոսներին նոր գիտելիքներով և հմտություններով զինելու համար:
