ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

ՀՊՄՀ Կուլտուրայի ֆակուլտետի Օպերատորության, գեղարվեստական լուսանկարչության և սոցիալ-մշակութային գործունեության ամբիոնի և Հրազդանի Հովսեփ Օրբելու անվան № 13 ավագ դպրոցի միջև կնքվել է համագործակցության հուշագիր։

Ամբիոնի աշխատակազմն ու դպրոցի ղեկավարությունը համաձայնություն են ձեռք բերել կազմակերպել և համատեղ իրականացնել մի շարք միջոցառումներ։

Հուշագրի համաձայն՝ կլինեն մասնագիտական հանդիպումներ, բաց դասեր, զրույցներ, ցուցահանդեսներ, որոնց կմասնակցեն բուհի ուսանողներն ու դպրոցականները։

Նշենք, որ Օպերատորության, գեղարվեստական լուսանկարչության ամբիոնի դոցենտ Սամվել Սևադա-Գրիգորյանի նախաձեռնությամբ օրերս Հրազդանի №13 և № 2 ավագ դպրոցներում կազմակերպվել էր ցուցահանդես ևանցկացվել էր բաց դաս:

Միջոցառմանը մասնակցել էին դպրոցի ուսուցչկանա կազմն ու ավելի քան 300 դպրոցական, որին հաջորդել էր հուշագրի ստորագրումը։