ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Խոր վշտով տեղեկացնում ենք, որ կյանքի 61-րդ տարում կյանքից անժամանակ հեռացել է ՀՊՄՀ Պարարվեստի մանկավարժության և նրա դասավանդման մեթոդիկայի ամբիոնի դասախոս Նելլի Աբովյանը:

Նելլի Աբովյանը ծնվել է 1962թվականին: 1984թվականին ավարտել է Հայկական պետական մանկավաժական ինստիտուտի Կուլտուրայի ֆակուլտետի պարային բաժինը:

Մեծ է եղել նրա վաստակը հայ մանուկների գեղագիտական դաստիարակության և պարուսուցման գործում։

Տարբեր տարիների պարուսույց է աշխատել մի շարք հաստատություններում, այդ թվում՝ էլեկտրոնային հաշվիչ մեքենաների տեխնիկումում, Կանազի մշակույթի պալատում, ՀՀ Պաշտպանության նախարարությունում, Քաղաքային պիոներ պալատում, Կույր և թույլ տեսնող երեխաների դպրոցում, Էստրադային և Ջազային արվեստի պետական քոլեջում:

1984 թվականից առ այսօր դասավանում էր հարազատ բուհում՝ Մանկավարժականում՝ երիտասարդ սերնդին փոխանցելով պարարվեստի մանկավարժության և պարագիտության ոլորտում ունեցած մասնագիտական հմտություններն ու փորձը:

Նելլի Աբովյանը վայելում էր պրոֆեսորադասախոսական կազմի և ուսանողների սերն ու հարգանքը: Երկարամյա գործունեության համար 2008 թվականին պարգևատրվել էր ՀՊՄՀ «Մանկավարժական համալսարան» մեդալով:

Մանկավարժական համալսարանի պրոֆեսորադասախոսական կազմը ցավակցում է գործընկերոջ ընտանիքին՝ Նելլի Աբովյանի անժամանակ մահվան կապակցությամբ:

Վաստակաշատ մանկավարժի հիշատակը վառ կմնա իր գործընկերների և ուսանողների սրտերում:

Նելլի Աբովյանի հոգեհանգիստը տեղի կունենա հունիսի 25-ին՝ ժամը 17:30-20:00-ն, «Եդեմ» սգո սրահում։