ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Խոր վշտով հայտնում ենք, որ կյանքից հեռացել է Ֆիզիկայի և նրա դասավանդման մեթոդիկայի ամբիոնի  պրոֆեսորի պաշտոնակատար, ֆիզիկամաթեմատիկական գիտություների թեկնածու Սերգեյ Ներսիսյանը։

Սերգեյ Ներսիսյանը 1970 թվականին ավարտել է Երևանի պետական համալսարանի Ֆիզիկայի ֆակուլտետը և անմիջապես էլ ընդունվել և մինչև 2001 թվականն աշխատել է  Բյուրականի աստղադիտարանում՝ որպես  գիտական աշխատակից։

2001-ից դասավանդում էր  Մանկավարժական համալսարանում․ տարիներ շարունակ կրթել  ու մասնագիտական գիտելիքներով է զինել ապագա մանկավարժների բազմաթիվ սերունդների՝ նրանց փոխանցելով ընդհանուր աստղագիտության, ռադիոաստղագիտության, Ժամանակակից աստղագիտության, աստղաֆիզիկայի,  տիեզերագնացության հիմունքների վերաբերյալ իր հարուստ փորձն ու գիտելիքները։

Շուրջ 42 գիտահետազոտական և ուսումնամեթոդական աշխատանքների, 1 դասագրքի հեղինակ էր։

Մանկավարժական համալսարանն իր խորը վշտակցությունն է հայտնում մանկավարժի հարազատներին, մտերիմներին, գործընկերներին և ուսանողներին: Սերգեյ Ներսիսյանը  սիրված էր գործընկներիների և ուսանողների կողմից:

Սերգեյ Ներսիսյանի հոգեհանգիստը տեղի կունենա հոկտեմբերի 16-ին՝ ժամը 17:00-20:30-ը, Սիլիկյան հին խճուղի 37, «Գոռ» սգո սրահում, հուղարկավորությունը՝ հոկտեմբերի 17-ին՝ ժամը 14:00-ին, նույն վայրից։