- Հայ
- Рус
- Eng
Մանկավարժական համալսարանի շրջանավարտ, Իսպանիայի Լա Կոռունայի համալսարանի պրոֆեսոր, իրավաբանական գիտությունների դոկտոր Արտակ Մկրտչյանը «Միջազգային կազմակերպությունները՝ որպես հակամարտությունների լուծման գործիք» թեմայով զեկուցմամբ հանդես եկավ բուհի Պատմության և իրավագիտության ֆակուլտետում:
Հետաքրքիր, ինտերակտիվ դասախոսությամբ բանախոսը պատմական էքսկուրս կարտարեց և ներկայացրեց, թե ինպես, ինչ նպատակով ստեղծվեցին միջազգային բազմաթիվ կազմակերպություններ, որն է դրանց առաքելությունը, դրանք միմյանցից ինչով են տարբերվում և այլն:
Արտակ Մկրտչյանը ընդգծեց, որ 20-րդ դարից սկսած իրավիճակն աշխարհում կտրուկ փոխվեց՝ պայմանավորված պետությունների թվի աճով.«Պետությունների միջև համագործակցության անհրաժեշտությունից դրդված՝ սկսեցին կազմակերպվել միջազգային կոնֆերանսներ, սակայն այդ ֆորմատով քննարկումներն արդյունքի չէին հանգեցնում և չէին բավարարում պետություններին: Հենց այս անհրաժեշտությունից ելնելով՝ ստեղծվեցին միջազգային կազմակերպությունները, առանց որոնց այսօր մեր կյանքը հնարավոր չէ պատկերացնել»,- ընդգծեց դոկտորը:
Վերջինը ներկայացրեց միջազգային կազմակերպությունների բնութագրումը՝ միջպետական կազմ, պայմանագրային իրավական հիմք, մշտական և անկախ մարմիններ, իրավական ինքնություն: Բանախոսն անդրադարձավ դասակարգմանը՝ դրանք առանձնացնելով ըստ նպատակների, կազմի և իրավասությունների:
Խոսելով հակամարտությունների լուծման գործում միջազգային կազմակերպությունների դերի մասին՝ Արտակ Մկրտչյանը նկատեց, որ անվտանգության վերաբերող հարցերը միշտ շատ կարևոր և դժվար են յուրաքանչյուր պետության համար.«Կան շատ պետություններ, որոնք չեն անդամակցում միջազգային կազմակերպություններին, սակայն, մաս կազմելով միջազգային հանրությանը, հարգում են տվյալ կազմակերպության օրենքները»,- ասաց Արտակ Մկրտչյանը:
Անդրադառնալով ՄԱԿ-ի խաղաղապահ առաքելությանը՝ բանախոսը նկատեց, որ այն պետք է տեղի ունենա հակամարտող կողմերի համաձայնության, անաչառության, ուժի կիրառման բացառման պայմաններում:
ՄԱԿ-ի խաղաղապահ առաքելությունը ներկայացնելիս՝ Արտակ Մկրտչյանը նկատեց, որ վերջին շրջանում կառույցը կարծես թե չի իրականցնում իր հիմնական սկզբունքը՝ հաշվի առնելով ներկայումս աշխարհում տիրող իրավիճակը.«Յուրաքանաչյուր պետություն նախևառաջ պետք է վստահ լինի և ապավինի սեփական ուժերին»,- ամփոփեց նա:
Ֆակուլտետի դեկան Էդգար Հովհաննիսյանն անդրադառնալով դասախոսության թեմային՝ նկատեց, որ այն առավել քան վերաբերում է մեր երկրին և ժողովրդին, քանզի աշխարհում այսօր չլուծված էթնիկ խնդիրների շարքին է դասվում նաև Ղարաբաղյան հիմնախնդիրը, որի կարգավորման ուղղությամբ 20 տարուց ավել աշխատանքներ են տարվում»:
Դեկանն ուրախությամբ նկատեց, որ համագործակցությունը կշարունակվի.արդենիսկ նախնական պայմանավորվածությամբ Մանկավարժական և Լա Կոռունայի համալսարանները պաշտոնապես կհամագործակցեն և իրականացնեն ուսանողների փոխանակման ծրագրեր:
Շնորհակալություն հայտնելով հյուրին բովանդակալից դասախոսություն համար՝ Էդգար Հովհաննիսյանը այն համարեց առաջին հաջողված քայլն էր:
