ՀՊՄՀ Կուլտուրայի ֆակուլտետում օրերս կայացավ «Դաժո» ժողովրդական երաժշտական խմբի համերգը։ ՀՀ-ում ԻԻՀ դեսպանության մշակույթի կենտրոնի հովանավորությամբ կազմակերպված համերգին մասնակցում էին բուհի տարբեր բաժինների ուսանողներ։
Ուդ, դոթառ, կիթառ, ղուշմե, սրինգ և նեյանբան, դափ, բանդիր, դհոլ, սանթուր և երաժշտական այլ գործիքներով կատարումներով հանդես եկան իրանցի երաժիշտներ Մեհդի Նոդեհին, Հասան Ռուհին, Սադեղ Նեսբաթին, Սադեղի Շադը և այլք։
Համերգի նպատակն էր ուսանողներին ծանոթացնել Իրանի ազգային նվագարաններին, իրանական երաժշտությանը։
Համերգի ավարտին ԻԻՀ դեսպանության մշակույթի կենտրոնի ղեկավար Մոհամմադ Ասադի Մովահեդին և ՀՊՄՀ Երաժշտության ամբիոնի վարիչ Արա Գևորգյանը միմյանց շնորհակալություն հայտնեցին համերգի կազմակերպման և ուսանողներին մասնակիցը դարձնելու համար։
