Մհերը, Արմենն ու Ռազմիկը սովորում են Երևանի թիվ 12 հատուկ դպրոցում: Մի քանի վայրկյանում նրանք սովորական աշակերտներից կարծես վերածվեցին հայ ժողովրդի
կյանքումանուրանալի դեր ունեցող անձանց` Մեսրոպ Մաշտոցի, Սահակ Պարթևի և Վռամշապուհ արքայի:
Մանկավարժականի նորաստեղծ թանգարանում մի պահ 405 թվականն էր`հագեցած ժամանակաշրջանին բնորոշ իրադարձություններով:
Հայոց գրերի գյուտի ստեղծումն ու դրանից հետո հայ ժողովրդի պատմության նոր շրջանը խաղի միջոցով ներկայացնելու տարբերակը նպատակաուղղված էր կրթության առանձնահատուկ պայմաններ ունեցող երեխաների ճանաչողական զարգացմանը:
Հաշմանդամների միջազգային օրվա առիթով Մանկավարժական համալսարանի նորաստեղծ թանգարանը հյուրընկալել է
ր թիվ 12 հատուկ դպրոցի աշակերտներին: Վերջիններս զարմացած էին ու հիացած. նրանց <դիմավորում էր> անձամբ Մեծ Լուսավորիչ Խաչատուր Աբովյանը` հղելով իր ուղերձը, կրթության և գիտության մասին կարևոր մտքերը:
Թանգարանի կրտսեր այցելուն` 11-ամյա Մհեր Հովհաննիսյանը, շրջեց թանգարանում, վերհիշեց դասերի ընթացքում սովորածը, պատմեց Մեսրոպ Մաշտոցի, Խաչատուր Աբովյանի մասին: Լսելով թանգարանում հնչող ծանոթ երգը` ձայնակցեց Կոմիտասին, ապա խոստացավ`դեռ վերադառնալու է:
Համար 12 հատուկ դպրոցի հայոց լեզվի և գրականության ուսուցչուհի Լիլիթ Ասատրյանը աշակարտներից պակաս տպավորված չէ: Վստահ է` թանգարան այցելությունը կտա իր պտուղները: Անդրադառնալով օրվա խորհրդին` հարդորեց չխղճալ հատուկ կարիք ունեցող երեխաներին, այլ ուշադրությունը սևեռել նրանց առավելություններին, լիարժեք և հավասար իրավունքների պահպանմանն ու հասարակական կյանքին հաշմանդամների մասնակցությունը։
Այցելության ավարտին բուհի հյուրերը նորաստեղծ թանգարանին նվիրեցին Արարատ լեռը պատկերող ձեռագործ նկար:
