Մանկավարժական համալսարանի ուսանողը ռեկորդ սահմանեց

06.03.2012

Այսօր Ալբերտ Ազարյանի անվան մարզադպրոցում Խաչատուր Աբովյանի անվան համալսարանի Պատմության և իրավագիտության ֆակուլտետի ուսանող Ռոման Սահրադյանը կատարեց «Մեծ պտույտ` առաջ» վարժությամբ սահմանեց ռեկորդ` կատարելով 152 պտույտ: «Մեծ պտույտ`առաջ» վարժության կատարումն իր նախադեպը չունի ոչ միայն Հայաստանում, այլև որևէ այլ երկրում:

23-ամյա Ռոման Սահրադյանը առաջինն էր, որ կատարեց այս վարժությունը: Մինչ այդ` 2011 թվականի սեպտեմբերի 24-ին, նա արդեն կատարել էր «Մեծ պտույտ` հետե վարժությունը` 560, իսկ դեկտեմբերի 16-ին` 1001 անգամ` գերազանցելով իր նախկին ցուցանիշը:

Այս ռեկորդները գրանցվել են Հայաստանի «Դյուցազնագրքում»: Մանկավարժական համալսարանի Պատմության և իրավագիտության ֆակուլտետի իրավագիտության մասնագիտության չորրորդ կուրսի ուսանողն այսօր ներկաներին զարմացրեց իր արտասովոր ուժով:

Մարզումների ժամանակ մինչև 250 և ավելի պտույտ կատարած Ռոման Սահրադյանն ասաց. «Շատ լավ տպավորություններ ունեմ` չնայած նրան, որ նախատեսել էի կատարել 200-300 պտույտ: Այնուամենայնիվ չեմ ընկճվում, քանի որ սպորտի մեջ չպետք է ընկճվել:

Այս վարժությունը, համեմատած իմ կատարած մյուս վարժության, շատ ավելի բարդ էր: Այսօր, իհարկե, կար որոշակի լարվածություն, բայց այն շատ չէր: Պատրաստվում եմ ավելի երկար ժամանակ տրամադրել մարզումներիս և բարելավել արդյունքս: Շատ ուրախ կլինեմ, որ ինչ-որ մեկը գերազանցի իմ այսօրվա սահմանած ռեկորդըե:

Նման վարժություն կատարելու համար, ըստ Ռոմանի, նախևառաջ անհրաժեշտ է ունենալ ճկունություն ու տոկունություն: Հետագայում հնարավոր է, որ նա արդեն դիմի Գինեսի ռեկորդների գրքում ավելի բարձր ցուցանիշով գրանցվելու համար:

ՆՈՐՈՒԹՅՈՒՆՆԵՐ

ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Տեսասրահ