Օրերս Մանկավարժական համալսարանի Հատուկ կրթության ֆակուլտետի պրոֆեսորադասախոսական կազմն ու սուրդոմանկավարժություն բաժնի մագիստրոսները մասնակցեցին Լենհարդ
ակադեմիայի վեբինարների նոր փուլի առաջին օնլայն սեմինարին:
Հատուկ մանկավարժության և հոգեբանության ամբիոնի ասիստենտ, մանկավարժական գիտությունների թեկնածու Ինեսսա Հարությունյանի նախաձեռնությամբ կազմակերպված սեմինարին մասնակցեում էին նաև ֆակուլտետ հյուրընկալած «Էրեբունի» բժշկական կենտրոնի և Լսողության խանգարումներով երեխաների դպրոցի մասնագետները:
Ռուսաստանի աուդիոլոգիայի և լսողության վերականգնման ազգային գիտահետազոտական կենտրոնի հիմնադիր տնօրեն, բժշկական գիտությունների դոկտոր Գ.Ա.Տավարտկիլադձեն հանդես եկավ «Լսողական համակարգի ֆունկցիոնալ անատոմիան և ֆիզիալոգիան» թեմայով զեկույցով:
Օնլայն վեբինարին մասնակցում էին նաև Ռուսաստանի, Գերմանիայի, Հայաստանի, ԱՄՆ-ի, Ղազախստանի, Մոզամբիկի և Ուկրաինայի մասնագետները:
Հանդիպման ավարտին ձեռք բերվեց պայմանավորվածություն, որի համաձայն` Լենհարդ Ակադեմիայի առաջիկա վեբինարներին կմասնակցեն նաև Հատուկ կրթության ֆակուլտետի դասախոսները, ուսանողները և լսողության խանգարումներ ունեցող երեխաների հետ աշխատող մասնագետները:
