ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Այսօր Կրթության հոգեբանության և սոցիոլոգիայի ֆակուլտետի Ուսանողական խորհրդի նախաձեռնությամբ կազմակերպվել էր համաշխարհային ճանաչում ունեցող հոգեբան Կարլ Գուստավ Յունգին նվիրված միջոցառում:

Ուսանողներն իրենց զեկույցներում անդրադարձան Յունգի կյանքին, գործունեությանը, ինչպես նաև ցուցադրեցին հոգեբանի՝ տարբեր ժամանակաշրջանների լուսանկարներ:

Միջոցառմանը ներկա էին ֆակուլտետի դեկան Ռուզաննա Պետրոսյանը, գիտության և հետբուհական գծով տեղակալ Հակոբ Թադևոսյանը, տարբեր ֆակուլտետների ուսանողներ:

Միջոցառման ավարտին ներկաները դիտեցին «Անձամբ հարցազրույց Յունգի հետ» խորագրով ֆիլմը:

Նշենք, որ Կրթության հոգեբանության և սոցիոլագիայի ֆակուլտետի Ուսանողական խորհուրդն առաջիկայում կկազմակերպի «Կարլ Գուստավ Յունգի և Զիգմունտ Ֆրեյդի կոնֆլիկտը» թեմայով միջոցառում: