Այց՝ Հայ-ամերիկյան առողջության կենտրոն

18.12.2013

Օրերս Կենսաբանության, քիմիայի և աշխարհագրության ֆակուլտետի կենսաբանություն մասնագիտության 2-րդ կուրսի ուսանողները «Հյուսվածքաբանություն» առարկայի

շրջանակներում դոցենտ Գրիգոր Ամալյանի ուղեկցությամբ այցելեցին Հայ-ամերիկյան առողջության(մամոգրաֆիայի) կենտրոն:

Այցելության նպատակն էր ուսանողներին ծանոթացնել կենտրոնի առաքելությանը՝ պահպանել և բարելավել կանանց առողջությունը՝ քաղցկեղային հիվանդությունների նախապես ախտորոշման և կանխարգելման ճանապարհով:

Ուսանողները տեղեկացան կենտրոնի հիմնադրման պատմությանը, ծանոթացան կենտրոնում գործող ռադիոլոգիայի, գինեկոլոգիայի լաբորատորիայի և ընտանեկան բժշկության բաժանմունքներին, դրանցում գործող սարքավորումներին:

Բժշկական գիտությունների թեկնածու Հովհաննես Վարդևանյանը ուսանողներին բացատրեց կրծքագեղձի և արգանդի պարանոցի քաղցկեղային հիվանդությունների առաջացման մեխանիզմը, դրանց կանխարգելման համար անհրաժեշտ միջոցառումները, առողջ ապրելակերպի հիմնադրույթները, ինչպես նաև հայ-ամերիկյան կենտրոնում նման հիվանդությունների ախտորոշման եղանակները:

Այցի ընթացքում ուսանողները համոզվեցին՝ առողջ լինելու և առողջ ընտանիք ունենալու պարտադիր պայմաններից մեկը տեղեկացված լինելն է և տարեկան առնվազն մեկ անգամ ընտանեկան բժշկի կանխարգելիչ հետազոտություններին դիմելը:

ՆՈՐՈՒԹՅՈՒՆՆԵՐ

ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Տեսասրահ