ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Ձմեռ պապ, Սանտա Կլաուս, ամանորյա սեղաններ, վառվող մոմեր, տոնական մաղթանքներ. Կենսաբանության, քիմիայի և աշխարհագրության ֆակուլտետում այսպես նշանավորեցին Ամանորն ու Սուրբ Ծնունդը:

Որախ երգ ու պարին ուսանողներն ավելացրել էին նաև տոնի վերաբերյալ տեղեկություններ. ներկաները միջոցառման շնորհիվ տեղեկացան, թե ինչպես են Հայաստանում և աշխարհի բազմաթիվ երկրներում նշում ամենահեքիաթային ու կախարդական տոնը:

Տարբեր ժողովուրդների ազգային տարազներով ուսանողները ներկաներին տեղափոխեցին Չինաստան, Իսպանիա, Հնդկաստան ու մինչև անգամ Հայաստանի պատմական վայրեր՝ ներկայացնելով դրանցում ձևավորված և մինչ օրս գործող ամանորյա ավանդույթներն ու տոնի անցկացման ձևերը:

Կենսաբանության, քիմիայի և աշխարհագրության ֆակուլտետի դեկան Սվետլանա Հովակիմյանը շնորհակալություն հայտնեց միջոցառման կազմակերպիչ Ֆիզիկական աշխարհագրության ամբիոնի դասախոս Վարդուհի Հովհաննիսյանին և ուսանողներին և միանալով հնչած բոլոր բարեմաղթանքներին՝ շնորհավորեց բոլորի Ամանորն ու Սուրբ Ծնունդը: