ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Եվրամիության ֆինանսավորմամբ իրականացվող վերոնշյալ ծրագրի միջոցով Հայաստան վերադարձած մեծահասակների և երեխաների համար Մանկավարժական համալսարանում կկազմակերպվեն մայրենիի դասընթացներ, որոնք կվարեն բուհի դասախոսները. դրանք կնպաստի վերադարձածների ինտեգրմանն ու մշակութային կապերի ամրապնդմանը:

ՀՊՄՀ Աշխատակազմի և միջազգային համագործակցության գծով պրոռեկտոր Արա Երեմյանը armspu.am-ի հետ զրույցում նկատեց` Մանկավարժական համալսարանն ունի բոլոր ռեսուրսներն ու փորձառություն` աջակցելու Հայաստան կամավոր վերադարձողների լեզվական անջրպետի հաղթահարմանն ու համապատասխան օգնություն ցուցաբերելուն:

Նշենք, որ Եվրամիության ֆինանսավորմամբ և 3 տարի ժամկետով իրականացվող «Թիրախային նախաձեռնություն Հայաստանի համար» ծրագրի նպատակն է աջակցել արժանապատիվ կայուն վերադարձի և վերաինտեգրման գործընթացին, կամավոր կամ իրենց կամքին հակառակ հայ ազգի ներկայացուցիչների սոցիալական և տնտեսական վերաինտեգրմանը, դյուրացնել օրինական միգրացիայի հնարավորություններն ու ամրապնդել միգրացիայի դրական ազդեցությունը Հայաստանի սոցիալական զարգացման վրա: