- Հայ
- Рус
- Eng
Հունվարի 31-ին 72 տարեկան հասակում կյանքից հեռացավ ՀՊՄՀ Քաղաքագիտության և իրավունքի պատմության ամբիոնի պրոֆեսոր, պատմական գիտությունների դոկտոր Կիմ Հարությունի Ղահրամանյանը:
Նա ծնվել է Շահումյանի շրջանի Ներքին Շեն գյուղում, ավարտել Խ.Աբովյանի անվան հայկական պետական մանկավարժական ինստիտուտը, ապա վերադարձել հայրենի եզերք և զբաղվել մանկավարժական գործունեությամբ:
Նա կյանքի մեծ մասը նվիրել է գիտամանկավարժական աշխատանքին:
Անվանի պրոֆեսորը հանրապետությունում ճանաչված պատմաբան-քաղա¬քագետ էր, բազմաթիվ մենագրությունների հեղինակ, որոնք հիմնականում նվիրված էին հայրենի` Հյուսիսային Արցախի պատմությանն ու ազգային-ազատագրական պայքարին:
Հայրենասեր մտավորականը փախստական դարձած շահումյանցիներին համախմբելու նպատակով շուրջ երկու տասնամյակ հրատարակեց և տարածեց ՙՄռավի ղողանջներ՚ թերթը:
Ազնիվ մտավորականի, բարեհամբույր դասախոսի և քաղաքացու հիշատակը հավերժ կմնա նրան ճանաչողների հիշողություններում:
ՀՊՄՀ ՌեկտորատՊատմության և իրավագիտության ֆակուլտետՔաղաքագիտության և իրավունքի պատմության ամբիոն
Կիմ Ղահրամանյանի ընտանիքին ցավակցություն է հայտնել նաև Բանասիրական ֆակուլտետի աշխատակազմը. «Խորը վշտով տեղեկացանք տասնյակ տարիներ Բանասիրական ֆակուլտետում դասավանդող պատմական գիտությունների դոկտոր, պրոֆեսորի մահվան մասին:
Երջանկահիշատակ ակադեմիկոսը պրոֆեսորադասախոսական կազմի և ուսանողության կողմից ընդունվել է որպես բարեխիղճ մանկավարժ, գիտության մշակ, իր հայրենի եզերքին անմնացորդ նվիրված մտավորականե,-ասված է ցավկցական ուղերձում:
