ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Ծրագիրը սահմանել է նաև համալսարանների կառավարման կրթաթոշակներ. «Այռեքս»-ը մրցութային հիմունքներով տրամադրում է կարճաժամկետ կրթաթոշակներ, որոնք հնարավորություն են տալիս համալսարանների վարչական ստորաբաժանումների միջին և բարձր պաշտոններ զբաղեցնող աշխատողներին շուրջ ութ շաբաթ Միացյալ Նահանգների առաջատար պետական համալսարաններում կատարել հետազոտություններ և աշխատել համալսարանների կառավարման որևէ կոնկրետ ոլորտին առնչվող նախագծերի մշակման վրա:

Միացյալ Նահանգներում մասնակիցներին կհանձնարարվի մշակել կառավարման հնարավոր խնդիրների հայեցակարգ, ինչը հետագայում կուղղորդի մասնակիցներին և նրանց գործընկերներին իրենց համալսարաններում բարեփոխումների ծրագրեր իրականացնելիս:

Հայեցակարգերը հետագայում կհրապարակվեն և կներկայացվեն ծրագրին մասնակից համալսարաններում:

Փորձնական դրամաշնորհային ծրագրեր: Համալսարանների կառավարման ծրագրի մասնակիցները վերադառնալուց հետո հնարավորություն կունենան դիմել հետծրագրային փոքր դրամաշնորհային ծրագրերին` օժանդակելու իրենց երկրի համալսարաններում վարչական բարեփոխումներին:

ՀԱՄԱԼՍԱՐԱՆՆԵՐԻ ԿԱՌԱՎԱՐՄԱՆ ԿՐԹԱԹՈՇԱԿՆԵՐԻՆ ԴԻՄԵԼՈՒ ՊԱՀԱՆՋՆԵՐԸ: Դիմորդները պետք է դիմելու պահին և ծրագրին մասնակցելու ողջ ընթացքում լինեն Հայաստանի, Բելառուսի, Վրաստանի, Գանայի, Տանզանիայի, Ուգանդայի կամ Ուկրաինայի քաղաքացիներ և բնակվեն այդ երկրներում, հանձնեն ամբողջապես լրացված հայցադիմումը` բոլոր պահանջվող փաստաթղթերի հետ մեկտեղ մինչ հայցադիմումների հանձնման վերջնաժամկետը, տիրապետեն գրավոր և բանավոր անգլերեն լեզվին` Միացյալ Նահանգներում գործընկերների հետ ազատ հաղորդակցվելու և աշխատելու համար, համապատասխանեն J-1 վիզայի պահանջներին, կարողանան մասնակցել ութշաբաթյա կրթաթոշակային ծրագրին: Ի դեպ, այն կանցկացվի 2014թվականի աշնանը կամ 2015թվականի ձմռանը:

Դիմողները պետք է պատրաստ լինեն ԱՄՆ-ում գտնվելու ժամանակահատվածում հետազոտություններ կատարելու և համալսարանի վարչական կառավարման բարեփոխումների հայեցակարգ գրելու համար, համալսարանում զբաղեցնեն պրոռեկտորի, դեկանի, փոխդեկանի, ամբիոնի վարիչի կամ դրանց համարժեք, լրիվ դրույքաչափով պաշտոններ կամ ՀՀ կրթության և գիտության նախարարությունում ունենան համարժեք կառավարման ոլորտին առնչվող պաշտոն` ներգրավված լինելով բարձրագույն կրթության ոլորտի բարեփոխումների գործընթացում:

Վերոհիշյալ պայմաններին չբավարարող հայցադիմումները չեն դիտարկվի:

«Այռեքս» կազմակերպության ներկայիս աշխատակիցները և իրենց ընտանիքի անդամները չեն կարող մասնակցել Այռեքսի կողմից իրականացվող որևէ դրամաշնորհային ծրագրերի և´ որպես անհատ դիմորդ, և´ որպես դիմորդի համալսարանը ներկայացնող պատասխանատու անձ:

ԸՆՏՐՈՒԹՅԱՆ ՉԱՓՈՐՈՇԻՉՆԵՐԸ: «Համալսարանների կառավարման աջակցության ծրագրի» համար ներկայացրած հայցադիմումները կդիտարկվեն հետևյալ չափորոշիչների հիման վրա.

• Մասնակցի զբաղեցրած պաշտոնի համապատասխանությունը ընտրված թեմայի իրականացման և զարգացման համար

• ընտրված թեմայի համապատասխանությունը համալսարանի ղեկավարման առաջնային խնդիրներին կամ նախարարության գործունեությանը

• դիմորդի կառավարման ոլորտում ունեցած փորձը

• հայցադիմումի հարցերին մանրամասն և համապատասխան պատասխաններ տալը

• անկաշկանդ անգլերեն խոսելու ունակությունը:

Եզրափակիչ կամ կիսաեզրափակիչ փուլ անցած մասնակիցների հետ հնարավոր է անցկացնեն հարցազրույց հեռախոսով կամ «Այռեքս»-ի հայաստանյան գրասենյակում:

ԾՐԱԳԻՐԸ ՏՐԱՄԱԴՐՈՒՄ Է ՆԵՐՔՈՆՇՅԱԼ ՖԻՆԱՆՍԱԿԱՆ ԱՋԱԿՑՈՒԹՅՈՒՆԸ:

• Աջակցություն J-1 վիզա ստանալու հարցում,

• ճանապարհածախս մասնակցի բնակավայրից ԱՄՆ հյուրընկալող բուհ մեկնելու և վերադառնալու համար,

• բժշկական ապահովագրություն, բնակության վայրը և 40 ԱՄՆ դոլլարի չափով ամենօրյա դրամական միջոցներ սնունդի և այլ ծախսերի համար,

• մասնագիտական զարգացման, կրթական նյութերի ձեռք բերման, մասնագիտական կոնֆերանսներին հաճախելու և Միացյալ Նահանգներում գործող մասնագիտական կազմակերպություններին անդամակցելու համար 1000 ԱՄՆ դոլարի չափով դրամական միջոցներ,

• ծրագրի սկզբում և վերջում Վաշինգտոնում անցկացվող աշխատաժողովին մասնակցելու հնարավորություն:

ԾՐԱԳՐԻՆ ՄԱՍՆԱԿՑԵԼՈՒ ՀԱՅՏԵՐ ԵՆ ԸՆԴՈՒՆՎՈՒՄ ՀԵՏԵՎՅԱԼ ՀԱՄԱԼՍԱՐԱՆՆԵՐԻՑ

• Խաչատուր Աբովյանի անվան հայկական պետական մանկավարժական համալսարան,

• Գավառի պետական համալսարան Գյումրու Մ. Նալբանդյանի անվան պետական մանկավարժական ինստիտուտ,

• Վանաձորի Հ. Թումանյանի անվան պետական մանկավարժական ինստիտուտ,

• Երևանի Վ. Բրյուսովի անվան պետական լեզվաբանական համալսարան

• Երևանի պետական համալսարան: