Մեկնարկեց Տեմպուսի «ESPAQ» ծրագիրը

17.02.2014

Օրերս Հայաստանի պետական ճարտարագիտական համալսարանում մեկնարկեց Տեմպուսի «Հայաստանի բարձրագույն կրթությունում որակի ապահովման գործընթացում ուսանողների մասնակցության դերի բարձրացում» ծրագիրը:

Հայկական պետական մանկավարժական համալսարանից ծրագրին մասնակցում էին Ուսումնամեթոդական վարչության պետ, պրոռեկտոր Մհեր-Մելիք Բախշյանը, Միջազգային համագործակցության բաժնի մասնագետ Լիլիթ Սահակյանն ու բուհի Ուսանողական գիտական ընկերության նախագահ Մարիամ Մելքումյանը:

Հանդիպման ընթացքում ներկայացվեց ծրագրի կառուցվածքը, մասնակից հաստատությունների գործառույթները, ծրագրով նախատեսված գործողություններն ու վերջնաժամկետները:

«Հայաստանի բարձրագույն կրթությունում որակի ապահովման գործընթացում ուսանողների մասնակցության դերի բարձրացում» ծրագրի համակարգողը Եվրոպական ուսանողական միությունն է:

Ծրագիրը ազգային է, որին մասնակցում են 8 հայաստանյան գործընկերներ և ևս 4 ԵՄ անդամ երկրների հաստատություններ, այդ թվում` Շոտլանդիայից, Ռումինիայից, Ավստրիայից, Իտալիայից և Բելգիայից:

Ծրագիրը հնարավորություն կընձեռի ուսանողներին ներգրավվելու ՈԱ գործընթացներում, որտեղ նրանք կարող են հանդես գալ որպես որոշում կայացնողներ:

Այն ներառում է ուսանողների ակադեմիական շարժունակություն, ինչպես նաև վերապատրաստումներ արտերկրում:

Ծրագրի եվրոպական համագործակից ուսումնական հաստատություններ են.

► Մասերատայի համալսարան (Իտալիա),

► Իննսբրուքի մանկավարժական համալսարան (Ավստրալիա),

► Սպիրու Հարետի համալսարան (Ռումինիա),

► Ուսանողների ազգային ասոցիացիա (Շոտլանդիա),

Ծրագրի հայաստանյան գործակից հաստատություններ են.

► Խ. Աբովյանի անվան հայկական պետական մանկավարժական համալսարան,

► Երևանի պետական տնտեսագիտական համալսարան,

► ՀՀ Կրթության և գիտության նախարարություն,

► Երևանի գեղարվեստի ակադեմիա,