Հոբելյանական ցուցադրություն՝ նվիրված Անդրանիկ Զորավարին

21.02.2014

Այսօրվանից սկսած՝ մեկ շաբաթ շարունակ Մանկավարժական համալսարանի Գիտական գրադարանի այցելուները ականատես կլինեն հոբելյանական հերթական ցուցադրությանը. Անդրանիկ

Զորավարի ծննդյան տարեդարձին ընդառաջ՝ ցուցափեղկերում են հայտնվել բազմաթիվ գրքեր, մենագրություններ, տարբեր տարիների հրատարակություններ:

Ցուցահանդեսի կարևորագույն մասն են կազմում հատկապես 1916 թվականի փետրվարի 26-ին Թիֆլիսից Անդրանիկ Զորավարին գրված ՀՅԴ կուսակցության հայտնի գործիչ Խաչատուր Կարճիկյանի նամակի բնագիրը, բանաստեղծ Հովհաննես Շիրազի՝ «Ելավ Անդրանիկ...» և «Անդրանիկի սուրը» բանաստեղծությունների, ինչպես նաև Զորավարի մասին հայ մեծանուն գեղանկարիչ Մարտիրոս Սարյանի կարծիքի բնագրերը:

Գրադարանի տնօրեն Տիգրան Պետրոսյանցի կարծիքով՝ նման ցուցադրությունները կարևոր են երիտասարդների՝ հատկապես ապագա մանկավարժների համար. «Վաղվա սերունդներին կրթող մանկավարժները պետք է հստակ իմանան իրենց անկախությունն ու պատմությունը կերտող ազգային գործիչներին. դա հայրենասիրությամբ դաստիարակվելու արդյունավետ միջոց է»:

Գրադարանի տնօրենը նկատում է՝ չնայած ցուցադրության առաջին օրն է, սակայն այցելուների պակաս չի զգացվում:

ՆՈՐՈՒԹՅՈՒՆՆԵՐ

ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Տեսասրահ