- Հայ
- Рус
- Eng
Այսօր Օղակաձև զբոսայգում բացվեց «Հայաստան, իմ սեր» խորագիրը կրող լուսանկարների բացօթյա ցուցահանդես՝ նվիրված հուշարձանների և տեսարժան վայրերի պահպանության միջազգային օրվան:
Կենտրոն վարչական շրջանի Կրթության և մշակույթի վարչության կազմակերպած լուսանկարների բացօթյա ցուցադրությանը ներկայացված էին Մանկավարժական համալսարանի Օպերատորության և գեղարվեստական լուսանկարչության բաժնի տարբեր կուրսերի, ինչպես նաև Երևանի ճարտարապետաշինարարական ինստիտուտի Դիզայնի բաժնի ուսանողների, «Արեգնազան» կրթահամալիրի և անհատ նկարիչների լուսանկարներ:
«Հայաստան, իմ սեր» խորագրով ցուցահանդեսի նպատակն էր հուշարձանների և տեսարժան վայրերի պահպանության միջազգային օրվա շրջանակում այցելուներին ոչ միայն ծանոթացնել հայաստանյան պատմությանն ու մշակույթին, այլև կոչ անել հոգատարությամբ ու խնամքով վերաբերվել նախորդ սերունդներից փոխանցված և արդի շրջանի արձաններին և հուշարձաններին:
.jpg)
Օպերատորության,գեղարվեստական լուսանկարչության և սոցիալ-մշակութային գործունեության ամբիոնի վարիչի պաշտոնակատար Ռուբեն Երզնկյանի կարծիքով՝ նման ցուցահանդեսները ոչ միայն փորձի փոխանակման, այլև հասարակությանն իրենց ստեղծագործությունները ներկայացնելու հաջողված տարբերակ է:
Նշենք, որ ողջ օրվա ընթացքում Օղակաձև զբոսայգում (Մոսկովյան-Տերյան խաչմերուկի հարակից տարածք) այցելուները կարող են ծանոթանալ հայկական հուշարձանները ներկայացնող շուրջ 100 լուսանկարի, որից 25-ը Մանկավարժական համալսարանի ուսանողների աշխատանքերն են:
