Խաչատուր Աբովյանի անվան Հայակական պետական մանկավարժական համալսարանի տարբեր ֆակուլտետների մի խումբ ուսանողներմայիսի 11–ին մասնակցեցին Վանաձորի պետական մանկավարժական ինստիտուտում կազմակերպված ՈՒսանողական գիտական ընկերության/ ՈՒԳԸ/ հանրապետական III գիտաժողովին:
Ուսանողները հետաքրքիր, բազմաբնույթ և տեսագործնական կարևոր նշանակություն ունեցող թեմաներով զեկուցումներ ներկայացրին գիտաժողովի «Մանկավարժություն, հոգեբանություն և սոցիալական աշխատանք» մասնաճյուղի աշխատանքներում:
Նրանք բարձրացրին սոցիալական մանկավարժության մի շարք հիմնախնդիրներ, սոցիալ-մանկավարժական աշխատանքի զարգացման հեռանկարները ՀՀ ԶՈՒ-ում իրականացվող բարեփոխումների պայմաններում, ներառական կրթության ծրագրի զարգացման հեռանկարները ՀՀ հանրակրթության ոլորտում իրականացվող բարեփոխումների պայմաններում, սոցիալական մանակավարժի աշխատանքի գործառույթներն ու առանձնահատկությունները ՀՀ մանկատներում, դեռահասների սոցիալականացման առանձնահատկությունները գյուղական միջավայրում:
Գիտաժողովի կազմակերպիչները` Վանաձորի պետական մանկավարժական ինստիտուտի մանկավարժության ամբիոնի դասախոսները, ողջունեցին Հայկական պետական մանկավարժական համալսարանի ուսանողների ակտիվ մասնակցությունը գիտաժողովին և բարձր գնահատեցին նրանց աշխատանքները` կարևորելով զեկույցների գործնական հետազոտական նշանակությունը:
