- Հայ
- Рус
- Eng
Բանասիրական ֆակուլտետի 3-րդ կուրսի ուսանողները կազմակերպել էին հրաշափառ տոնին նվիրված ցերեկույթ:
Այն իր ներկայությամբ պատվեց Սուրբ Գրիգոր Լուսավորիչ եկեղեցու քահանա տեր Մատաթիա Գասպարյանը: Տեր Հայրն ուսանողներին փոխանցեց Սուրբ Հարության ավետիսը և հորդորեց նրանց մաշտոցյան վառ լույսը միշտ անմար պահել: Ուսանողները պատրաստել էին սահիկահանդես: Փոքրիկ սեղանը լեցուն էր Զատկի խորհրդանիշներով. կարմիր հավկիթները, բրնձով և չամիչով փլավը, օրհնված լավաշը և կարմիր անապակ գինին լրացնում էին միջոցառման խորհուրդը: Ներկայացվեց նաև, թե ինչպես են նշում Զատկի տոնը արտերկրում:
Ցերեկույթի ընթացքում ուսանողների կատարմամբ հնչեցին հոգևոր երգեր, ժողովրդական խաղիկներ:
