- Հայ
- Рус
- Eng
Մանկավարժական համալսարանի հիմնադրման 100-ամյակի շրջանակներում՝ առաջնորդվելով «365 օր դպրոցում՝ աշակերտի և ուսուցչի» հետ կարգախոսով, շարունակվում են այցերը երևանյան դպրոցներ:
Հասարակության կյանքում բուհ-դպրոց կապի կարևորության մասին այս անգամ անդրադարձ եղավ Արմեն Հովհաննիսյանի անվան թիվ 194 հիմնական դպրոցում:
Այստեղ հյուրընկալվել էին ՀՊՄՀ Ուսումնագիտական գծով պրոռեկտոր Մարիամ Իսպիրյանը, Գեղարվեստական կրթության ֆակուլտետի դեկան Արա Հակոբյանը, պրոֆեսորաասախոսական կազմի ներկայացուցիչներ, ուսանողներ:
Այցի ընթացքում ներկաները ծանոթացան ֆակուլտետի պատմությանն ու գործունեությանը, մասնագիտություններին և բաժիններին, ներկայացվեց պրոֆեսորադասախոսական կազմի հեղինակած ձեռնարկները:
Գեղարվեստական կրթության ֆակուլտետը կազմակերպել էր նաև ցուցադրություն, որտեղ ներկայացված էին բուհի տարբեր կուրսերի ուսանողների ստեղծագործական աշխատանքները՝ նկարներ‚ դեկորատիվ-կիրառական արվեստի գործեր։
Այցն ամփոփվեց ֆակուլտետի երաժշտական կրթության բաժնի ուսանողների և դպրոցի սաների մասնակցությամբ տոնական համերգով՝ ևս մեկ անգամ հաստատելով կրթական հաստատությունների ամուր կապն ու հետագա փոխգործակցության լայն հնարավորությունները:
